Гуырдзыстоны фуболы федераци  публикаци скодта фидиуæн, кæцыйæ  бæрæг ссис  куыд уыдзæн гæнæн Евро 2024-ыл  Гуырдзыстоны æмбырдгонды  хъæзтыты билетты  балхæнын.

«УЕФА-йы 2024 азы  Европæйы Чемпионаты билетты ауæй Гуырдзыстоны националон æмбырдгонд сæрхъызойтæн  15 апрелы, Тбилисы рæстæгæй 13:00 сахатыл  райдадзæн.  Гуырдзиаг сæрхъызойтæн   Европæйы  чемпионатмæ  билетты балхæнын сæ бон уыдзæн   УЕФА-йы  билетты порталыл –   https://www.uefa.com/euro2024/ticketing/

Порталмæ бахизынæн хъæуы,  саразат  сæрмагонд фарс, кæнæ та  ахæмы ныридæгæн уæвыны цауы  ацæуат авторизаци. Фæлхасгæнæджы æххæстаргъджын  профил саразынæн уæ бахъæудзæн   сайтыл бавдыст   æнæмæнгхъæугæ домæнтæм гæсгæ информаци баххæсткæнын: ном, мыггаг, райгуырды датæ,  сæрмагонд номыр  кæнæ паспорты номыр, цæрæн адрис, мобилон тилифоны номыр, электронон посты адрисэ

Билетты ауйы процессы райдайыны рæстæджы УЕФА-йы портал   уын ратдзæн рады  номыр.  Рад ссиу уыдзæн 15 апрелы, Тбилисы рæстæгæй 13:00  сахатыл. Иу фæлхасгæнæгæн  Гуырдзыстоны националон æмбырдгонд къордон этапы  алы матчыл  дыуæ билеты балхæнын уыдзæн  йæ  бон.

Порталыл рæувадат уыдзæн уыппар категорийы билеттæ:

Фыццаг Категори – 200 евро

Дыккаг категори -150 евро

Æртыккаг категори 60 евро

Цыппæрæм категори 30 евро

Билетты балхæнын уæ бон у  куыд Alipay-ы электронон æхцадонæй, афтæ банкон картæтæй (VISA кæнæ Mastercard).  Билетты аргъмæ банкъæйы уæлæмхас фиддон  нæ уыдзæн.

Фæндон билеты сывзарыны æмæ балхæнынæн  алы  фæлхсгæнæгæн уыдзæн 15 минуты. Банкон  операцийы фæуды фæстæ  билеты балхæныны бæлвырдгæнæн фыстæг  уæ сæрмагонд профилы  æмбæлгæ хайады   разындзæн æмæ  æрвыст æрцæудзæн цы электронон пост  бавдыстат –  уырдæм. Хъазтмæ билеты фæстæдæр, матч агоммæ  цалдæр бон раздæр райсдзыстут», –  фыст ис  Гуырдзыстоны Футболы Федерацийы фидиуæны.

Гуырдзыстоны националон футболон æмбырдгонд Европæйы Чемпионаты къордон этапыл  æртæ матчы ахъаздзæн.  18 июны  Дортмунды  гуырдзиаг футболисттæ  ффембæлдзысты  Турчы æмбырдгондимæ; 22  июны Гамбургы Гуырдзыстоны æмбырдгонды æндæогъ уыдзæн Чехийы æмбырдгонд. Къордон этапы хатдзæгон   фембæлды та, Гуырдзыстоны  æмбырдгонд  Гелзенкирхены  Португалиайы  ныхмæ  ахъаздзæн.