Евроцæдис адарддæр кæндзæн йæ фарсылхæцындзинад Украинæйæн, æнæкæсгæ уымæ, цы араза АИШ, – уый фæдыл Евроцæдисы æттаг политикæ æмæ æдасдзинады уæлдæр комиссар Джозеф Боррел расидтис.
Борелы ныхасмæ гæсгæ, цалынмæ украинæгтæ Уæрæсейы агрессийæн ныхмæлæуд кæной, уæдмæ Евроцæдис дæр йæ фарсыл хæцдзæн.

Уый фæдыл Борель ИНО-йы æдасдзинады советы рабадты фæуды фæстæ расидтис, журналисты фарстайы дзуаппæн Дональд Трампы Урс Хæдзармæ гæнæн æрыздæхыны æмæ хæсты фæурæды гæнæндзинады фæдыл.

«Трамп ацы рæстæгмæ æрмæст кандидат у. Æз æнхъæлмæ кæсдзынæн, цалынмæ уый фæстæмæ Урс Хæдзармæ æрцæуа, цæмæй йæ фæндæттæм æркæсон. Фыццаг ничи хъуыды кодта, цæмæй Украинæ ныхмæлæуд кæндзæн, æмæ цы æрбавдыстам Украинæйæн фыццаджыдæр? Мах лæвæрдтам каскæтæ, ныр та дæттæм F-16-тæ. Хицæндзинад бæрæг у, нæ? Хъуамæ дарддæр кæнæм. Нæ зонын, цы сараздзысты æви нæ сараздзысты америкæгтæ, ног президент, фæлæ ныридæгæн Евроцæдисы фарсылхæцындзинад – æфсæддон, æмбæстагон, экономикон, финансон, гуманитарон – фылдæр у АИШ-æй. Цы суммæ бафыстам уый 100 миллиард евройæ фылдæр у, кæцыйæ 45 миллиард у æфсæддон æххуысæн. Кæй зæгъын æй хъæуы, уый АИШ-ы æфсæддон æххуысæй къаддæр у, фæлæ уый дæр нысаниуæгджын нымæц у». – райхъусын кодта Борел.