Украинæмæ хъуамæ уа Евроцæдисы ныфс –  уый  фæдыл Европаг Советы   президент Дональд Тускъ  Украинæйы президент Владимир Зеленскиимæ  фембæлды фæстæ  райхъусын кодта.

«Бар мын ратту  сфæлхатт кæнын,  февралы Радайы  цы загътон уый – Æнæ  Хæдбар Украинæйæ, нæй  гæнæн уа  рæстаг  Европæ.  Нæ уыдзæн æдас  Европæ, кæд æмæ нæ уыдзæн æдас  Украина.  Растæй   куызæгъæм уæд Европæ æнæ Украинæ  нæ  уыдзæн,  цытджын президент.  Украинайæн йæ бон у  уа  йын Евроцæдисы ныфс. Мах стæм æмæ  баззайдзыстæм   сымахæн сеппæтæй  хуыздæр хæлар æмæ æууæнкаг æмцæдисон»- баздæхт Дональд Тускх Зеленскимæ.

Европаг Советы президенты дзырдæй, зæгъгæ  уыцы  факт ома  Украинайы ног президент  йæ фыццаг фæсарæйнаг визитæй  Евроцæдис æмæ НАТО-йы  штаб-хæдзæрттæм фæуазæг ис, ахсджиаг сигнал у. Дональд Тускъ  банысан кодта, цæмæй  Евроцæдис  кæддæриддæр цæттæ уыдзæн, баххуыс кæна Украинайæн демократи æмæ  закъоны  сæйрагдзинад фæфидар кæныны,  коррупцийы ныхмæ  тохы, экономикæйы  стабилизацийы æмæ энергетикæйы секторы  реформæты ауадзыны хъуыддаджы.

«Фидар æмæ демокративон Украина æмбæлон у  Евроцæдисы интерестæм»-  райхъусын кодта  Европаг Советы президент.

Дональд Тускъы дзырдæй,   Евроцæдис бæлвырд кæны  Украинæйы суверенитет æмæ  демокративон   æнæхъæндзинадæн æнцой дарынад. Уый афтæдæр  æрсидтис Уæрæсемæ, ахст украинæгты, сæ нымæцы 24  наудзогы   ссæрибар кæнынмæ.