АИШ-ы президент Дональд Трамп ивгъуыд боны фæстиуджытæм фыццаг хатт коментар сарæзта æмæ йæ схуыдта «потенциалонæй стыр бон» Уæрæсе æмæ Украинæйæн.

“Уæрæсе æмæ Украинæйæн, гæнæн ис, æмæ стыр бон уа! Ахъуыды-ма кæнут, ацы æнæкæрон “тугкалд” куы фæуа, уæд цы сæдæгай мин цард фервæздзæн, уый.” Уый уыдзæн бынтон ног æмæ бирæ хуыздæр дуне. Æз дарддæр кæндзынæн куыст дыууæ фарсимæ дæр, цæмæй уый æрцæуа. АИШ-ы фæнды йæ хъус æрдарой сæндидзынад æмæ базарадмæ. — Нæ размæ нæм ис стыр къуыри! Трамп социалон хызæгты ныффыста.

ВВС куыд фыссы, афтæмæй нæй гæнæн скæнын бæлвырд хатдзæг, цы радта Трампæн ныфс – Украинæйы æмцæдисонты коллективон æркуырд 30 боны æхсты фæурæды тыххæй, кæнæ та Владимир Путины æркуырд Киевæн Стамбулы ныхас сног кæнын.

Бæстæты лидертæ 10-æм майы Мæскуыйæн ультиматум раттой, кæцыйы домдтой 12-æм майæ Украинæйы æххæст æмæ æнæфæдзæхст æхсты фæурæд.Трамп йæ фарсыл рахæцыд ацы куырдиатæн.

Фæстæдæр Путин фæндон бахаста, цæмæй Украинæимæ сабырадон бадзырдтæ уагъд æрцæуой Стамбулы 15 майы.