Æхсызгон нын у, Владимир Путины æмбарынгæнæнтæ НАТО-йы скæсæны экспансийы æнæрайсгæдзинады тыххæй кæй хъуысынц, уыцы нымæцы Вашингтоны дæр, загъта Кремлы пресс-спикер Дмитрий Песков АИШ-ы президенты Украинæйы сæрмагонд минæвар Кит Келлогы расидæнæн дзуаппæн.

Дмитрий Песков куыд банысан кодта, афтæмæй Кит Келлогы расидæн у Мæскуы æмæ Вашингтоны æхсæн æхгæд бадзырдты фæстиуæг.

«Президент Путин æппынæдзух хæццæ кæны йæ æмныхасгæнджытæн, уыцы нымæцы АИШ-ы минæвæрттæн, Уæрæсейы Федерацийы стратегион интересты цæстæнгасæй НАТО-йы скæсæнырдæм ахæлиу кæныны æнæрайсгæдзинады фæдыл нæ позици.

Уыимæ иумæ, Дмитрий Песков фæныхас кодта Стамбулы сабырадон бадзырдтыл æмæ загъта, зæгъгæ, бæрзонд æмвæзады æртæвæрсыг фембæлды гæнæн æрмæстдæр уый фæстæ сæвзæрдзæн, уæрæсейаг æмæ украинаг делегациты ‘хсæн бадзырдты конкретон фæстиуæг къухы куы бафтдзæн, уæд.

Йæ ныхæстæм гæсгæ, Уæрæсейы президент йæ фарс хæцы бæрзонд æмвæзады контакттæн, фæлæ уыдон хъуамæ уой хорз цæттæ.

«Путин бирæ хæттыты загъта, цæмæй фундаменталонæй йæ фарс хæцы бæрзонд æмвæзады контакттæн. Кæй зæгъын æй хъæуы, уыдон сты æркуырд, фæлæ уыдон хъуамæ уой хорз цæттæ, æмæ фыццаджыдæр фæстиуæг хъуамæ æрцæуа дыууæ бæстæйы делегациты æхсæн комкоммæ бадзырдты. Кæд æмæ ахæм фæстиуæг къухы бафтдзæн æмæ куы æрцæуа, уæд, кæй зæгъын æй хъæуы, райдайæн ис ныхас кæнын бæрзонд æмвæзады контакттыл», — загъта Демитри Песков.

АИШ-ы президенты Украинæйы сæрмагонд минæвар Кит Келлог сбæлвырд кодта Дональд Трампы цæттæдзинад Владимир Путинæн ныфс бавæрын, цæмæй НАТО скæсæнырдæм нæ рауæрæх уыдзæн, кæд æмæ ахæм æркуырд хæсты фæурæды уавæр суыдзæн. Йæ ныхасмæ гæсгæ, уый æрмæст Украинæмæ нæ хауы, фæлæ ма Гуырдзыстон æмæ Молдовæмæ дæр.