Зылды администрацийы  информацийæ,   Дманисы   муниципалитеты   зæххæнкъуысты  фæстиуæгæн  базиан ис  скъолайы бæстыхай  æмæ 20-ы онг   хæдзар.  Хæдзæртты  æмæ  хъæу Гантиадийы  æхсæнадон скъолайæн къултæ  фескъуыд сты.

Абонæй Гантиадийы  æхсæнадон скъолайы  ахуыргæнинæгтæ  ахизын кодтой онлайн режиммæ.  Скъола  банхъæлмæ кæсдзæн   экспертизæйы  хатдзæгмæ, цæй фæстæ дæр  хъуамæ фæбæрæг уа,  уыдзæн гæнæн æви нæ  скъолайы реабилитаци  кæнæ бахъæудзæн   демонтаж.

Уыцы цауы, кæд æмæ   экспертизæ  демонтажы фæдыл уынаффæ рахæсдзæн,    уæд ахуыргæнинæгтæ æмæ ахуыргæнджытæ, сыхаг  хæъуты  скъолатæм адих  уыдзысты. Транспортæй та сæ сифтонг кæндзæн   бынæттон  муниципалитет.

Дманисы  сæумæрайсомæй  кусы  зиан хынцгæнæг комисси.  Бынатыл   ис  Дæллаг Картлийы   губернатор Гиорги Дохтуришвили. Бынæттон цæрджытæн  зианы компенсаци бафиддзæн  хицауад.