Централон æвзарæн къамис ног хуызы парахат кæны информаци президентон æвзæрстытæ куыд уагъд цæуынц, уый тыххæй.

Æвзарæнон администраци æмбарынгæнæн дæтты æмгъуыдтæ, фæтк æмæ процедурæты фæдыл.

«Бæстæйы историйы фыццаг хатт Гуырдзыстоны президенты æвзæрстытæ ацæудзысты ног хуызы – президенты 5 азы æмгъуыдмæ æвзардзæн æвзарæнон коллеги, кæцыйы сконды ис 300 уæнг. Æвзæрстытимæ баст æмгъуыдтæ, фæтк кæнæ процедурæтæ сты æндæр æмæ æндæр. Иуæй-иу интересджын фарсыты æрдыгæй рæдыд интерпретацитæ æмæ манипуляцион расидæнтæ парахат кæныны тыххæй, æвзарæнон администраци деталонæй æмбарын кæны Гуырдзыстоны президенты æвзæрстытимæ баст фарстытæ.

Фыццаджы дæр банысан кæнын хъæуы уый, æмæ Гуырдзыстоны президенты æвзæрст парламент æскъуыддзаг кæны. Гуырдзыстоны конституцимæ гæсгæ, кæд æмæ Гуырдзыстоны президенты равзæрсты датæ парламентон æвзæрстытимæ, кæнæ уый размæ мæймæ æмрæнхъ æрцæудзæн, уæд Гуырдзыстоны президенты æвзæрстытæ уагъд цæудзысты ног æвзæрстгонды фыццаг рабадтæй 45 боны æмгъуыдмæ Парламент. Уымæ гæсгæ, 14-æм декабры æвзæрстыты снысан кæныны тыххæй Парламент райста уынаффæ, Конституци хынцгæйæ.

Æвзæрстыты организациимæ баст фарстытæм та цы хауы, æвзæрстыты администрир кæны ЦÆК. Æвзæрстытæ Парламенты æрдыгæй 14-æм декабры кæй снысан кодтой, уымæ гæсгæ бахъуыд иуæй-иу мадзæлттæ æмæ æмгъуыдтæ баивын, кæцытæ закъондæттынадмæ гæсгæ æвзарæн администрацийæн ис бар. Æвзарæнон коллегийы сконд ЦÆК-ы уынаффæйæ фидаргонд цæуы æвзарæнон бонмæ 11-æм бонæй фæстæдæр (3-æм декабры).

Æвзарæнон коллегийы 30 уæнгæй къаддæр нæу гæнæн Гуырдзыстоны президентон бынатмæ кандидаты æвзарæнон бонмæ 9-æм бонæй фæстæдæр (5-æм декабры) раразмæ кæна. ЦÆК-ы уынаффæмæ гæсгæ, Гуырдзыстоны президенттæм кандидат регистриргонд цæуы æвзарæнон бонмæ 6-æм бонæй фæстæдæр нæ (8-æм декабры).

Хъæлæсæппæрсты бонмæ та цы хауы, Гуырдзыстоны президенты æвзæрст (фыццаг тур) уагъд цæуы Гуырдзыстоны парламенты галуаны, æвзæрстыты боны 09:00 сахатæй æмæ уыцы бон 14:00 сахатыл фæуд кæны, кæнæ цыфæнды рæстæджы раздæр, кæд æмæ æппæт æвзарæнон коллегийы уæнгтæ схъæлæс кодтой. Æвзæрстыты фыццаг туры æвзарæнон коллегийы æххæст сконды хъæлæсты æппынкъаддæр дыууæ æртыккаг хайы чи райса, уыцы кандидат нымад æрцæудзæн æвзæрстгондыл. Кæд æмæ Гуырдзыстоны президент фыццаг туры нæ æвзæрст æрцæудзæн, уæд дыккаг тур дæр уыцы бон сырæздзæн æмæ уыцы кандидат, кæцы сеппæтæй фылдæр хъæлæстæ райсдзæн, нымад æрцæудзæн æвзæрстгондыл» -ис фыст Централон æвзарæнон къамисы парахатгонд информацийы.