Цавæр процедурæтæ  рацæуын бахъæудзæн  Гуырдзыстонмæ  визиты рæстæджы  Германийы, Францы, Латвийы, Лиетувæ æмæ Эстонийы  æмбæстæгты
Цавæр процедурæтæ рацæуын бахъæудзæн Гуырдзыстонмæ визиты рæстæджы Германийы, Францы, Латвийы, Лиетувæ æмæ Эстонийы æмбæстæгты

Æхсæнуагдонон  координацион советы уынаффæйæ, Гуырдзыстон  ацы  этапыл арæнтæ æнæуæлдайныхасæй  байгом кæндзæн фондз бæстæйæн.  Уый фæдыл   премьер-министры уынафæгæнæг  Ираклий Чиковани   райхъусын кодта брифингыл.

Фондз бæстæйы  æмбæстæгтæн/резиденттæн  сæ бон уыдзæн   цыфæнды хуызы  визитæй  Гуырдзыстонмæ  æрмæстдæр  комкоммæ  уæлдæфон  фæндагæй  æрцæуын.

«Уымæй  уæлдай, Гуырдзыстоны арæныл рахизыны онг уыдон хъуамæ баххæст кæной   сæрмагондæй  бакуыст  специалон  электронон анкетæ,  кæцыйы мидæг хъуамæ бавдисой   æрбацыды онг 14 боны дæргъы  балцы  истори, Гуырдзыстонмæ  визиты рæстæджы   цæрыны  бынат,  контактон  информаци  æмæ æнд.

Афтæдæр  семæ разыйæ  кæнæ та  арæныл термоскринигы  фæстиуæгæн, 37   градусæй бæрзонддæр тæвды  фæбæрæгы  цауы,   аэропорты  ацæуой  «PCR »тест.

Афтæдæр æнæмæнг уагæй  тестæй басгæрст  кæнæ карантины режиммæ  ахиздзысты уыцы гоймæгтæ, кæцытæм фæстаг 14 боны   дæргъы,  Евроцæдисы  æнæуæнг  бæрзонд рискы  бæстæтæм балцы историй ис.

Евроцæдисы  иннæ  уæнг паддзахадты тыххæй  куы зæгъæм –  бæстæтæн кæцытæ Гуырдзыстонæн арæнтæ  нæ байгом кодтой,  нæхи æрдгæй  дæр архайдзæн уæвæг режим. Æрмæст уыцы бæстæты æмбæстæгтæн, кæцытæ Гуырдзыстон бахастой  а.х.  цæъх номхыгъдмæ (уæлдæрбанысангонд  фондз бæстæйæ  уæлдай)  кæнæ та  сфидар кодтой æндæр æмæ æндæр хуызы арæнæвæрдтæ,  Гуырдзыстонмæ æрбахизын  сæ бон уыдзæн 14  бонон æнæмæнгхъæугæ  карантины фæстæ,  кæцыйы  хардзтæ  сæхæдæг бамбæрздзысты» –  хъусын кæны Чиковани.