ЦÆК-ы сæрдар  æмæ уагдоны структурон дæлхайæдты разамонджытæ  фембæлдысты ОБСЕ-йы цæстдарæн миссийы къухдариуæггæнджытимæ æмæ бæрнонтимæ.

ЦÆК-ы пресс-куыстуаты информацимæ гæсгæ, Гиорги Каландаришвили ОБСЕ-йы минæвæрттæн лæвæрдта деталон информаци уыцы цауты фæдыл, кæцытæ сырæзтысты æвзæрстыты бонæй фæстæмæ æмæ æппæт уыцы фарстатæ, кæцытыл фæстаг бонты æвзарæнон процессмæ гæсгæ ныхас цыд. Уымæй дарддæр ма æвзарæнон администраци ноджы иу хатт сбæлвырд кодта цæттæдзинад делегацийы уæнгтæн рæстæгыл æмæ æххæстæй æппæт цымыдисон информаци дæттыны тыххæй.

«Гиорги Каландаришвили миссийы минæвæрттæн бузныг расидтис æвзарæнон администрацийы архайды объективон, æнæхин æмæ позитивон аргълæвæрды тыххæй. Куыд банысан кодта, афтæмæй æвзарæнон администраци базонгæ ис ОБСЕ-йы цæстдарæн миссийы хыгъдлæвæрдимæ æмæ документы нысангонд æппæт хатдзæгтимæ æмæ тыхстдзинæдтимæ.

Каландаришвили сбæлвырд кодта йæ цæттæдзинад ацы информацийы анализ скæна æмæ йæ компетенцийы æмæ гæнæндзинады арæнты фæлгæтты нымадмæ райса. Гиорги Каландаришвилийы ныхасмæ гæсгæ, уый уыд фыццаг æвзæрст, кæцыйы æвзарæнон электронон технологитæй масштабонæй спайда кодтой æмæ нысаниуæгджын у байхъусын объективон хъуыдытæ æмæ рекомендацитæ цæстдарæг организацитæй, цæмæй ацы процесс дарддæр фæхуыздæр уа», – банысангонд у ЦÆК-ы информацийы.