Фæнды нæ æхсæнадæн фехъусын кæнæм дезинформацийы тыххæй, кæцы интенсивонæй парахат кæны медийы æмæ социалон хызæгты, манипулятивон æмæ æнæбындур информацийы парахат кæнын у кампанион характеры æмæ йæ нысан у æвзарæгты рæдийын кæнын – уый фæдыл ЦÆК-ы пресс-спикер Натиа Иоселиан загъта.
ЦÆК-ы информацимæ гæсгæ, æвзарæнон администрацийæн нысаниуæгджын у, цæмæй æхсæнадмæ уа процессы фæдыл раст информаци.
«Манипуляторон кампанийы адарддæр у, хъæлæсты нымайæн аппараттæй æндæр æмæ æндæр рæстæджы мыхуыргонд скъуыддзæгты фæдыл иуæй-иу политикон интересджын адæймæгты æрдыгæй парахатгонд информаци, кæцыты ис æндæр æмæ æндæр бæрæггæнæнтæ. Æцæгæй та, Хелвачауры 16-æм участочы хъæлæсты нымайæн аппарат уыд æртæ, фыццаг этапыл мыхуыргонд цыдысты æрмæст квитанцитæ, кæцытæ æвдыстой дыууæ аппараты фæстиуджытæ, уый фæстæ та мыхуыр æрцыд алы æртæ хъæлæсы нымайæн аппараты хыгъдлæвæрд. Æртæ аппараты дæр иумæйаг райсты бæрæггæнæнтæ бæлвырд æмбæлынц бюллетентæ къухæй банымайыны фæстиуæгæн арæзт хатдзæггæнæн хыгъдлæвæрды бæрæггæнæнтимæ, æмæ дыууæйæ дæр фыст æрцыд 1404 бюллетены. Факт бæлвырд кæнынц участокон æвзарæн къамисы кусджытæ дæр.
Иннæ манипуляци баст у Сагарехойы участоктæй иуы æнæраст ID-хъæлæсæппæрсты фарстаимæ. Арæзт цæуы ахæм æнкъарæн, ома ахæм факттæн уыд стыр характер, кæцы раст нæу. Снысангонд хъуыдтагы фæдыл сæрмагондæй фыст æрцыд хъаст, кæцы æмбæлон процедурæмæ гæсгæ æркæсдзысты. Фæлæ ацы æрдгæй нысаниуæгджын у банысан кæнын, цæмæй анулиргонд ID-имæ чи схъæлæс кодта, уымæн уыд æххæстгæнæг паспорт æмæ уый тыххæй дæр хаст æрцыд æвзарджыты иугонд номхыгъдмæ.
Кæронбæттæны нæ фæнды дзуапп раттын Гуырдзыстоны президенты дискредитацион расидæнæн. Саломэ Зурабишвили æнæ апелляцийæ хъусын кæны, цæмæй æвзæрстыты фальсификацийæн спайда кодтой æвзарæнон технологитæй. Сидæм æппæт баст фарсытæм, цæмæй лæмбынæг сахуыр кæной америкаг компани «PRO V&V»-йы хатдзæг электронон технологиты фæдыл, æмæ дзы кæд исты проблемæтæ рабæрæг уа, уæд барадон мадзæлттæ райсой. Дарддæр кæндзыстæм æхсæнадæн раст информаци дæттын æмæ ницы дезинформаци æнæдзуаппæй нæ ныууадздзыстæм», — банысан кодтой ЦÆК.