Централон æвзарæнон къамис Гуырдзыстоны прокуратурæйæн бахæс кæны, æвзарæнон сайды фæдыл арæзт расидæнты фæдыл фæдагуырд райдайа.

Уый фæдыл дзырдæуы ЦÆК-ы расидæны.

ЦÆК сиды, цæмæй цæттæ сты фæдагуырдимæ æмкуысткæнынад æмæ уагдоны фæдагуырдæн хъæугæ æмæ цымыдисон информаци раттын.

«2024 азы парламентон æвзæрстыты фæстиуджыты фехъусын кæныны фæстæ Централон æвзарæн къамис ссис сæрмагонд бабырсты æмæ æнæбындур критикæйы объект. Æнæкæсгæ уымæ, æмæ ОБСЕ/ОДИР цæстдарæн мисси æвзæрстытæн позитивон æмæ ЦÆК-ы куыст бæрзонддæр æмвæзадыл саргъ кодта, уыцы-иу рæстæджы, америкаг компанийы ауагъд аудиты аиппытæ нæ разынд, Гуырдзыстоны президент Саломэ Зурабишвили, куыд афтæ дæр æвзæрстыты архайæг иуæй-иу политикон партиты минæвæрттæ, ЦÆК-мæ æнæбындурæй бырсынц æмæ æнæбындур аххосæгтæй хъавынц уагдоны репутаци бахъыгдарын.

Æхсæнадæн зындгонд у, цæмæй уæвæг хъастытæ æвзарæнон администрацийы æркæсынц, кæд æмæ ранымад политикты æрдыгæй æвзæрстыты «æнхъæлцау сайды» аххосæгтæ ныридæгæн ахызтысты уæрæх масштабмæ.

Цæмæй сбæрæг кæнæм, раст у æви нæ Гуырдзыстоны президенты, политикты кæнæ кæцыфæнды цымыдисгæнæг расидæн, кæнæ æвзæрстыты сайды фæдыл парахатгонд информаци, æнæмæнгхъæугæ у ауадзын вазыгджын æмæ объективон фæдагуырд, кæцы æвзарæнон администрацийы компетенцийæ уæлдай у .

Уæлдæр ранымадгондмæ гæсгæ, Гуырдзыстоны прокуратурæмæ фæндон хæссæм, цæмæй райдайой æмæ ауадзой фæдагуырд уæлдæр банысангонд расидæнты фæдыл. «Нæхи æрдгæй мах æвдисæм цæттæдзинад фæдагуырдимæ æмкуысткæнынад æмæ æнæкъуылымпыйæ раттын цымыдисон æмæ æнæмæнгхъæугæ информаци уагдоны фæдагуырдæн», – ис фыст ЦÆК-ы расидæны.