Бритайнаг рагысгарæг куысты хъусинагæй, Владимир Путин  Украинайы  оккупацигонд территориты  Уæрæсейы  скондмæ бацыды тыххæй, 30  сентябры  райхъусын кæна. Уый фæдыл  дзырдæуы,  Стыр Британийы  хъахъхъæнынады министрады  рагысгарæг  куысты   æрвылбойнон   афæлгæсты.

30  сентябры  план кæны Уæрæсейы  президенты  сидт  парламенты дыууæдæр  палатæй раз.  Ацытæккæ Украинайы Луганскы, Донецкы, Херсоны æмæ Запорожьейы  зылдты  Уæрæсейы  скондмæ  бацыды фæдыл  а.х. референдумтæ  цæуынц, кæцы  абон хъуамæ фæуа.

Уыимæ  уырыссаг  рауагъдад «Ведомости» фыссы  цæмæй Уæрæсейы хицауад  ног «зылды» саразын план кæны, кæцымæ  бацæудзысты оккупацигонд Украинайы  территоритæ, сæ нымæцы  Хъырымы  æрдæгсакъадах. Рауагъдады  информацийæ,  фæнысангонд «зылды»  Уæрæсейы  президенты  æвджид лæгæй, гæнæн ис  раздæры вице-премьер  «Роскосмосы»  раздæры  къухдариуæггæнæг  Дмитрий Рогозин снысан уа.

Украина æмæ йæ ныгуылæйнаг партнертæ  оккупацигонд  территоритыл  цæугæ а.х. «референдумтæ» æнæзакъононæй  нымайынц  æмæ  сæ фæстиуджытæ нымадмæ нæ исынц.

Latest Defence Intelligence update on the situation in Ukraine – 27 September 2022

Find out more about the UK government’s response: https://t.co/xG1CgXqeKM

🇺🇦 #StandWithUkraine 🇺🇦 pic.twitter.com/schw2ockbs

— Ministry of Defence 🇬🇧 (@DefenceHQ) September 27, 2022