Бирæнацион  æфсæддон ахуыр  «Хъæддых ныфс  2021» (Agile Spirit 2021) абон  байгом уыдзæн.

Ахуыртæ  Сенакы, 2-аг  фистæгон   бригадæйы,  быдырон   лагеры, Орфолойы  полигоныл, афтæдæр  Вазинаийы  4-æм  механизацигонд  бригадæйы полигон æмæ  Вазианийы  æфсæддон аэродромыл  ацæудзысты.

Гуырдзыстонмæ нырид  æрцыдысты  ахуырты  хайадисæг  америкаг  æфсæддон гæстæ, афтæдæр   америкаг  техникæ  æмæ  хæрдмæтæхджытæ.

Хъахъхъæнынады министрады хъусинагæй,  сау хъæрццыгъайы  типы хæрдмæтæхджытæ  HH-60 Agile Spirit 2021-ы  хайад райсынæн   æрластой  Германийæ,  Рамштайны æфсæддон  аэродромæй.  Хæрдмæтæхджытæ  ахуырты  периоды  баст уыдзысты  медицинон компоненты.

Хъахъхъæнынады  уагдоны хъусын кæнынц, цæмæй  бирæнацион  ахуырты историйы  фыццаг хатт  Гуырдзыстоны  хъахъъхæнынады  тыхты  паддзахадон зонадон-æфсæддон центр  «Дельтайы»  уагъд   гуырдзиаг згъæртехникæ баст уыдзæн «Agile Spirit 2021»-ы.

Бирæнацион  æфсæддон ахуыртæн  Гуырдзыстон фысым кæндзæн 6 август хынцгæйæ.

Ахуыртæн сæ нысан у  альянсы уæнг  æмæ партнер  бæстæты  дæлхайадты æхсæн  æмархайды фæлтæрдтæ сбæрзонддæр  кæнын, бирæнацион  уавæрты  операциты  сплан кæныны  æмæ сыххæсты рæстæджы  оперативон  фæлтæрдтæ  фæхуыздæр æмæ стынг кæнын, бирæнацион  цæттæдзинады æмæ  æдасдзинады сферæйы  æмгуыстад стынг кæнын.