Гуырдзыстоны экономикæйы æмæ æнæфæцудгæ рæзынады министрады информацийæ, ног æфсæнвæндагон хахх Баку-Тбилис-Хъарс официалонæй скусдзæн 2-æм июны.

Министрады информацийæ, ног хахх у Гуырдзыстон, Азербайджан æмæ Туркы иумæйаг стратегион проект, кæцыйæн ис нысаниуæгджын роль Европæ æмæ Азийы æхсæн бастдзинады фæтыхджындæр кæныны хъуыддаджы.

«Ног æфсæнвæндаджы фæндаг регионы аразы уæлæмхас хъомыс, нысаниуæгджынæй ахъаз кæны уæзласæн змæлды маршрутты диверсификацийæн æмæ фидар кæны регионы бастдзинад.

Марабда-Карцахъы æфсæнвæндаджы хайы иумæйаг дæргъ у 180 километры. Проекты фæлгæтты реабилитаци æмæ реконструкци сырæзт 153 километры, арæзт æрцыд бынтон ног 27 километрон æфсæнвæндаджы хахх, кæцы дзуапп дæтты европæйаг стандарттæн.

Баку-Тбилис-Хъарсы ног æфсæнвæндаджы хаххыл уæзтæ ласыны бæрц алы аз дæр фылдæр кæны. Хахх æххæстæй эксплуатацимæ куы раттой, уæд проекты хъомыс фæфылдæр уыдзæн 5 милуан тоннæйы онг, кæцы регионæн фадат ратдзæн уæлæмхасæн уæзтæ æрвитынæн æмæ йæ транспортон гæнæнтæ зынгæ фæтыхджындæр кæнынæн.

Фæнысангонд æфсæнвæндаджы хайы æххæст эксплуатацимæ раттын гæнæн ис Гуырдзыстоны премьер-министры визиты рæстæджы, Азербайджаны Бакумæ экономикæ æмæ æнæфæцудгæ рæзынады министр Мариам Квривишвили æмæ «Дыууæфарсон координацион советы протокол бафыссыны фæстиуæгæн, Азербайджаны нымæцон транспорт æмæ рæзынады министр Набиев» -ис фыст Гуырдзыстоны экономикæйы æмæ æнæфæцудгæ рæзынады министрады фидиуæны.