Азербайджаны плангонд ИНО-йы климаты ивæндзинады конференци Гуырдзыстоны цъæх инвестицитæн дуар гом кæны, – уый фæдыл Азийы инфраструктурон инвестицион банкъы (АИИБ) вице-президент Константин Лимитовски азербайджайнаг медиимæ интервьюйы райхъусын кодта.

Азиаг инвестицион банкъы минæвары ныхасмæ гæсгæ, Кавказы æрдæм уæлæмхас хъусдард дæр гæнæн ис ахъаз кæна экотуризмы размæцыдæн æмæ Гуырдзыстоны экологон инициативæтæн фарсылхæцындзинадæн.

Константин Лимитовски афтæ дæр фæныхас кодта Гуырдзыстоны æрæджы фæуæвæг Батумы байпасы проектыл, кæцы нысаниуæгджынæй бандæвта Сау Денджыз æмæ Каспийы регионты æхсæн бастдзинад фæхуыздæр кæныныл.

Уæвæг бæрæггæнæнтæм гæсгæ, æмтгæй райсгæйæ, Азийы Инвестицион Банкъ ацы рæстæгмæ сбæлвырд кодта Гуырдзыстоны фондз стыр проект, кæцыты иумæйаг аргъ у 400 милуан АИШ доллары бæрц, кæронмæ арæзт Батумы æрзылды нымæцы.

«Гуырдзыстоны хицауадимæ æмкуыстæй, Тбилисы метрополийы модернизацийы проект цæттæ кæнæм. Ног хъæппæрис фæбæрзонддæр кæндзæн метройы системæйы эффективондзинад æмæ æууæнкдзинад, стæй йæ экологон хæлардзинад дæр», — загъта Константин Лимитовский.

ИНО-йы климаты фæдыл конференци Азербайджаны 11-22 ноябры сырæздзæн, кæцыйы хайад райсдзæн 50 мин делегат. Уый нымæцы хицауады минæвæрттæ ИНО-йы æппæт уæнг бæстæтæй.