Оппозицон политикон партитæ «Ахали», «Грчи -Фылдæр Сæрибардзинад», «Дроа», «Иугонд Националон змæлд», «Лело Гуырдзыстоны тыххæй», Республикаг  Парти æмæ «Стратегиа Агъмашенебели», иумæйаг фидиуæн  публикаци кæнынц.

Фидиуæны  куыд дзырдæуы  афтæмæй,  «сабырадон  æмбырд-манифестацийы  конституцион   бары ныхмæ «Картули Оцнеба» æнæзакъононæй  архайы  пъæлицæйы хайадтæй, кæцытæ  сæрфат хъахъхъæды  бæсты,  æфхæрæг мазæттæ  кæнынц  сабырадон  æмбæстæгты  ныхмæ».

«Сабырадон  митинггæнджыты  нæмын, сурын, специалон   пъæлицæйон   фæрæзтæй æнæзакъононæй   архайын, æмбырды æмæ манифестацийы бар æнæзакъононæй  сæмбонд кæнын, у   фыдракæнд,  кæцытыл   æнæмæнгæй   æрлæудзæн  аххосджын уæнгты бæрн  алы индивидуалон цауы. Алы тыхгæнæг, нæкæсгæ йæ рангмæ, дзуаппмæ лæвæрд æрцæудзæн  хæдбар,  æмæ рæстаг тæрхондоны.

Хъусын кæнæм  Гуырдзыстоны  æмбæстæгтæн æмæ  дæттæм дзырд, цæмæй Иванишвилийы авторитарон  хицаудзинады кæрон скæныны æмæ коалицион, европаг хицауады саразыны фæстæ, сабырадон æмбырд-манифестацийы рæстæджы никуы  уыдзыстут тыхбын  маскæджын  спецназæгтимæ  уын уа   исты хъуыддаг, кæытæ æнæзакъононæй   арæн кæндзысты уæ фундаментон  конституцион   бартæ.

Дарддæр кæнæм ныхмæлæуд æмæ  тох уырыссаг закъоны æмæ уырыссаг хицауады ныхмæ нæ  адæмы  фæстгамæ  уæлахиздзинады онг.   Нæй  уырыссаг  закъонæн! Нæй   уырыссаг хицауадæн!» – банысангонд у фидиуæны.