Æнæхицауадон организаци «Гомдзинад – Гуырдзыстон» антикоррупцион бюройы æскъуыддзаг æнæбындур хоны.

Сæ ныхасмæ гæсгæ, уынаффæ здæхт у цæстдарæг организацийы аххосджын кæнынмæ.

«Медийы фæрцы нын куыд рабæрæг ис афтæмæй, антикоррупцион бюро райста уынаффæ, цæмæй «Гомдзинад– Гуырдзыстон» æмæ йæ æххæстгæнæг директор Эка Гигаури банымайой куыд субъекттæ, кæцытæн ис расидт æвзарæнон нысан, æмæ сæххæст кæной сæргонды нысангонд арæнæвæрдтæ Гуырдзыстоны органикон закъоны «Æмбæстæгты политикон цæдисты тыххæй» уыдонмæ. Куыд организаци, афтæ Эка Гигаури йæхæдæг дæр нырма нæ бавдыстой снысангонд уынаффæ.

 Хъусын кæнæм, цæмæй Гуырдзыстоны хицауады антикоррупцион бюройы æскъуыддзагæн нæй куыд фактон, афтæ дæр юридикон бындур. «Гомдзинад– Гуырдзыстон» æмæ Эка Гигаури уыдысты æмæ ныр дæр сты иузæрдион Гуырдзыстоны европон æвзæрстæн æмæ уый фæдыл алы æхсæнадон расидæны расидтысты. Ахæм æвзæрст Гуырдзыстоны Конституцийы у фыст æмæ æмбæлы Гуырдзыстоны цæрджыты абсолютон фылдæры бæллицтæн. Архайæм Гуырдзыстоны конституцийы фæлгæтты.

Æнхъæлмæ кæсдзыстæм, цалынмæ нæм лæвæрд æрцæудзæн антикоррупцион бюройы уынаффæ, уый фæстæ та сараздзыстæм æмбæлон юридикон къахдзæфтæ», -ис фыст фидиуæны.