«G» къорды  фембæлд, кæцыйы  дæр  кæрæдзиимæ  хъазыдысты  Англис æмæ Панамæ,   бритайнæгтæ  рамбылдтой  егхау  хыгъдæй  – 6:1.

Англис матчы райдианæй райста  йæхимæ  иницитивæ  æмæ   фембæлды  фыццаг гол  8-æм минутыл  Джон Стоунз баппæрста.  Цыппæрдæс минутмæ  Харри Кейн   æнтыстджынæй  ныццавдта  Джеси Лингарды  ныхмæ  фолы тыххæй  лæвæрд  пенальти.  Таймы  фæудмæ  6 минутæй  раздæр  йæхи сæрмагонд къæм баппæрста  Лингард дæр.  Фыццаг таймы   фæстаг минутыл,   дубль  сæххæст кодта Джон Стоунз, уый фæстæ та   Харри Кейн   кæцы  ныццавдта  дыккаг пенальти  æмæ   бамбардирты  даууы  аййæфта  Криштиану  Рональдуйы – Англис 5 : 0 Панамæ.

Матчы  дыккаг таймы фыццаг гол  61-аг минутыл  та фæстæмæ  Англис баппæрста.  Рубен Лофтус-Чикы   цæфы фæстæ,  порти аныдзæвдта   Кейны къах,  æмæ уый  руаджы   размæбырсæгæн рауадис  хет-трик, кæцыйы фæрцы бомбардирты  даууы  ахызт фыццаг бынатмæ –   5  къæмы  дыууæ матчы мидæг.

78-æм минуты  панамæйæгтæн бантыст  престижы  гол баппарын,  англисæгты дуæрттæм къæм баппæрста   Филипе  Балой.  Англисмæ, Бельгийы  хуызæн,   æрымбырд ис    æхсæз баллы  æмæ къорды  фыццаг бынатыл   цчи уыдзæн уый,  фæбæрæг уыдзæн   3-аг туры.

Рафыссут нæ  уникалон аппликаци   FIFA 2018! Android

Æмæ  уæм уыдзæн фадат,  оперативонæй   базонат  алы  цымидисон  хабаримæ,   матчыты  бæлвырд  ранывæст, фæстиуджытæ  LIVE-режимæй  æмæ  саразат  уæхи сæрмагонд прогноз!

Матчыты  бæлвырд  ранывæзт  -Дунейы Чемпионат  Фыццаг Къаналыл!