2018 азы Дунейы    чемпионаты  фæстаг æстæмфиналы  Англис  фембæлд Колумбиимæ. Хуссар Америкæгтæ   матчмæ рахызтысты нысаниуæгджын  хъадджынæй –   æмбырдгонды лидер  Хамес Родригес  матчы   хайад нæ иста   травмæйы тыххæй.

Матчы  фыццаг  тæссаг  момент  16-æм минуты  сырæзт колумбиæгты  дуæртты раз – Харри Кейн  иварон фæзыгмæ  зæбулцæфæй æрвыст пурти аййæфта  æмæ  тынг цъус  фæмела ис  йæ  цæф.  Фыццаг таймы  кæрон   колумбиæгты  дуæртты цур   ивар   снысан  ис,  кæцыйы ныццавдта  Трипиер, фæлæ  йæ  цæф дæр нæ  рауад   дырыс.

Дыкаг таймы  райдианæй   9 минут  рацыд,   Карлос  Санчес  сæрмагонд иварон фæзыгы  хъазты фæткойтæ кæй  асаста  æмæ снысан ис  пеналти.  Харри Кейн  йæ шансæй   спайда кодта идеалонæй,  турнирыл  æхсæзæм  гол  бакъуырдта  æмæ  сеппæтæй  хуыздæр бомбардиры  статус  дæр  фæфидар кодта.

Голы фæстæ  бриатйнæгтæ  фæактивон   сты  æмæ  61-аг минутыл сæм   гол баппарыны  ноджы  иу  шанс  фæзындис. Делле Али йæ сæрæй  ныццавдта  фæлæ  пурти  фæстæмæ фæмела ис.

Матчы кæрон  фæактивон  сты   колумбиæгтæ. 81-аг минутыл гом баппарын  фадат уыдис Хуан Куадрадомæ,  фæлæ  йын  нæ  бантыстис.  Арбитры уæлæмхас  3-аг минутыл, Матеус  Урибейы  дардæй   фидар  цæфы фæстæ,  Пикфорд  диссаджы реакци равдыста  æмæ    пуртийы  акъуырдта  къумон  хаххы æрдæм,  фæлæ  уырдгæй  зæбулцæфæй  лæвæрд  пуртийæн  йæ размæ  рагæпп кодт  Джери Мина  æмæ  матчы хыгъд  сраст кодта – 1:1.

Фыццаг уæлæмхас  таймы   бырстой  фылдæр колумбиæгтæ,  дыккагы  та   активон уыдис  Англисы æмбырдгонд, фæлæ  хъуыддаг уæддæр бахæццæ ис пенальтиты онг.   Фæйнæ  дыууæ  æнтыстджын пенальтийы фæстæ,  Оспина  фæстæмæ акъуырдта Хэндерсоны   цæф  æмæ Колумби размæ рацыд.  Уый фæстæ та  Урибе фæмела ис  æм   Трипиер та  æнтыстджынæй ныццавдта, кæцыйы фæстæ  та  Джордан Пикфорд  пурти  фæстæмæ  акъуырдта.  Алцыппæт  баст уыдис  Эрик Дайеры  цæфыл –  йæ  цæфы   ардæмад  Оспина фæфиппайдта  фæлæ  пуртимæ нал  аххæссыд  æмæ   цыппæрæмфиналмæ  ахызт  Англис.

Плейофы  иннæ  этапыл  Англис  схæцдзæн Швециимæ.

Рафыссут нæ  уникалон аппликаци   FIFA 2018! Android  iOS

Æмæ  уæм уыдзæн фадат,  оперативонæй   базонат  алы  цымидисон  хабаримæ,   матчыты  бæлвырд  ранывæст, фæстиуджытæ  LIVE-режимæй  æмæ  саразат  уæхи сæрмагонд прогноз!

Матчыты  бæлвырд  ранывæзт  -Дунейы Чемпионат  Фыццаг Къаналыл!