Евроцæдисы дуар хъуамæ баззайа гом ног уæнгтæн, – уый фæдыл Польшæйы президент Анджей Дуда Евроцæдисы 10 президенты æнæформалон фембæлдыл Краковы расидтис.

Польшæйы президенты аппараты информацийæ, фембæлдыл трансатлантикон бастдзинæдты фæтыхджындæр кæнын, афтæ дæр Евроцæдисы рауæрæх кæныны фæдыл ныхас цыд.

«Мах афтæдæр фæныхас кодтам Евроцæдисмæ ног уæнгты бацыдыл, уымæ гæсгæ мах хъуыды кæнæм, цæмæй Европæйы дуар хъуамæ баззайа гомæй». Мах фæнысан кодтам уыцы бæстæты, кæцыты нæ хъуыдымæ гæсгæ фыццаджыдæр райсдзысты Евроцæдисмæ, ома фыццаджы дæр Украинæ, афтæ дæр Молдовæ, ныгуылæн Балканы бæстæтæ æмæ нæ ныфс ис, цæмæй Гуырдзыстон дæр», – расидтис Анджей Дуда.

Дудайы ныхасмæ гæсгæ, уый Евроцæдисы Польшæйы президентады приоритеттимæ Европаг бæстæты президентæн базонгæ кодта. Евроцæдисы сæрдар Польшæ 2025 азы январæй суыдзæн.

«Мах бирæ хатт æвæрдтам æдасдзинады фарстатæ, афтæ дæр Украинæйæн нæ фарсылхæцындзинады фарста. Бирæ хатт æрæвæрдтам фарст, цæмæй куыд хъуамæ архайæм, цæмæй Украинæ æрмæст Уæрæсейы æвирхъау æрбабырстæй нæ фервæза, фæлæ ма Украинæйы Евроцæдисмæ куыд гæнæн ис афтæ тагъддæр райсын гæнæн уа. Президенттæм фæхæццæ кодтон Евроцæдисы Советы Польшæйы президентады приоритеттæ. Фыццаджы дæр уый у Евроцæдис æмæ АИШ-ы æхсæн бастдзинæдты фæтыхджындæр кæнын, ома трансатлантикон бастдзинæдтæ», – райхъусын кодта Дуда.