Патриархийы æхсæнадимæ бастдзинады департаменты къухдариуæггæнæг, протоиерей Андриа Джагъмаидзейы расидæнмæ гæсгæ, Сыгъдæг Синоды абоны рабадтыл Илья Дыккагы бавæрд æмæ уыимæ баст æндæр æмæ æндæр процедурæтыл ныхас уыдзæн.

Йæ ныхасмæ гæсгæ, сессийы фæуды фæстæ расидт æрцæудзæн, æндæр æмæ æндæр хъуыддæгты æхсæн, Патриархы ныгæнæн датæ.

“Синод æрæмбырд уыдзæн 14:00 сахатыл, уый у аргъуаны уагæвæрд. Синод æруынаффæ кæндзæн зианы æндæр æмæ æндæр процедурæтыл. Синоды фæуды фæстæ зиан ацæудзæн Æртæиууоны кафедралон аргъуаны. Иннæ лыстæгдзинæдты фæдыл æхсæнадæн фехъусын кæндзыстæм куыддæр Синод æй сбæлвырд кæна”, – загъта Андрия Джагъмаидзе.

Журналисттæ Джагмаидзейы фарстой, цавæр комментаритæ ратдзæн информацийы фæдыл, цæмæй гæнæн ис æмæ Илья Дыккаг баныгæд æрцæуа Сионы кафедралон аргъуаны, кæцыйæн Джагъмаидзе дзуапп радта: «О, уый фæдыл ис информаци, кæд æмæ, фæткмæ гæсгæ, уый хъуамæ сбæлвырд кæна Синод. Синоды фæуды фæстæ дæр базондзыстæм зианы датæйы тыххæй».

Уымæй дарддæр ма, Андрия Джагъмаидзе ноджы иу хатт расидтис хъыгдзинад Илья Дыккагы мæлæты фæдыл.

«Стыр зиан у æмæ стыр хъыг ис Каталикос-Патриархы мæлæты фæдыл» – райхъусын кодта Андрия Джагъмаидзе.

Æппæт Гуырдзыстоны Каталикос-Патриарх Илья Дыккаг 17-æм марты 93 азы кары амард.