Белорусы президент Александр Лукашенко сомихаг  адæмы  бафæдзæхста, цæмæй тынг къæрцхъус уой сæ фидæны фæндаг æвзаргæйæ, фæнды уый уа Евразиаг экономикон цæдис, фæнды Евроцæдис.
«Мах сомихаг адæмыл æндæвдад нæ кæнæм, фæлæ бæрæг у, æвзæрстыты агъоммæ кæй цæуынц политикон хъæзтытæ. Кæй зæгъын æй хъæуы, æппæтæй дæр пайда кæнынц æвзарæн нысанæн. Фæлæ Сомихы  къухдариуджытæ сæхи æнæраст дарынц, æмæ уый у Евразиаг экономикон цæдисæн æнæуынондзинады равдыст” – расидтис Лукашенко.
Белорусы президент афтæ дæр бафæдзæхста Сомихы, цæмæй Украинæйы æнгæс мадзæлттæ ма бауадзой рæзын.