АИШ-ы раздæры паддзахадон нымæрдар Генри Киссинджер 100 азы кары йæ цардæй ахицæн ис
Америкæйы Иугонд Штатты раздæры паддзахадон нымæрдар Генри Киссинджер Коннектикуты штаты, сæрмагонд хæдзары 100 азы кары амард. Информаци хъусын кæны америкаг медиа.
Генри Киссинджер Германийы, дзуттæгты бинонты райгуырд. 1930 азты йæ бинонтæ тыхыбын уыдысты нацистон Гермнийæ алидзын. Уыдон АИШ-æм алыгъдысты.
1960 азты каронæй Киссинджер уыдис АИШ-ы президентты, Ричард Никсоны æмæ Джеральд Форды уынаффæгæнæг националон æдадсзинады фарстаты, æрмæст 1973-1977 азты уыд паддзахадон нымæрдар.
Киссинджеры тыхайрхайды фæстиуæгæн АИШ-ы æмæ Китайы æхсæн сног сты дипломатон ахастытæ. Уый афтæдæр стыр хайбавæрд скодта АИШ-ы æмæ Советон Цæдисы æхсæн ныттынггонд ахастытæ æрбиноныг кæныны.
1973 азы Генри Киссинджермæ лæвæрд уыд Нобелы сабырады фæдыл преми Вьетнамы хæсты кæрон скæныны хъуыддагмæ хайбавæрды тыххæй.