Гуырдзыстоны АИШ-ы минæварад ноджы иу расидæн парахат кæны. Минæварад ныр йæ æмбæстæгтæн хъусын кæны, цæмæй Тбилисы æртæ базарадон центры – Ист-Пойнт, Галерея Тбилиси æмæ Тбилиси Молы рæмудзæн æрмæджы гæнæн уæвыны фæдыл 7-æм майы уагъд уæлæмхасæн мадзæлттæ ист æрцыдысты.

«АИШ-ы минæварады 7-æм майы рапарахатгонд расидæны фæстæ, Тбилисы Гуырдзыстоны барадхъахъæнджытæ знон изæр минæварадæн фехъусын кодтой, цæмæй æртæ базарадон центрæй искæцыйы дæр рæмудзæн æрмæг нæ разынд.Регионалон æдасдзинады офис систа йæ рекомендаци минæварады кусджытæн, цæмæй сæхи бахизой ацы бынæттæй» -ис фыст фидиуæны.

АИШ-ы минæварад йæ æмбæстæгтæм сиды, цæмæй сæ цæст дарой бынæттон медийы хъусынгæнинæгтæм æмæ зонгæ уой сæ алфæмблаймæ.

Уæ информацийæн, 7-æм майы АИШ-ы минæварад Гуырдзыстоны йæ æмбæстæгтæн фæдзæхст сарæзта, кæцыйы мидæг ис фыст, цæмæй минæварад базыдта Тбилисы æртæ базарадон центры бомбæйы тæссагдзинады тыххæй.

Уый дзуаппæн Паддзахадон æдасдзинады куыст рапарахат кодта хъусынгæнинаг, кæцымæ гæсгæ Паддзахадон æдасдзинады куысты æмбæлон дæлхайæдтæ кусынц ноджы иу мæнг хъусынгæнинагыл.

Уымæй уæлдай ма уагдон  æрсидтис дипломатон минæвæрттæм, цæмæй кад кæной æдасдзинадæн бæрнон службæты архайдæн æмæ сæхи бахизой ахæм хъусынгæнинæгтæй, кæцытæ æмбæлон уагдæттимæ разы не сты.