АИШ-ы минæвæртты палатæ йæ фарсыл рахæцыд «Мегобари актæн».
Закъонопроектæн йæ фарсыл рахæцыдысты 349 конгрессмен, кæцытæй 168 уыдысты республикагтæ æмæ 181 та демократтæ. 42 конгрессмен йæ ныхмæ схъæлæс кодтой, 42 та хъæлæсæппæрсты нæ архайдтой.
Закъонопроекты æххæст ном, зындгонд куыд «Мегобари акт», у Гуырдзыстоны дзуаппдæттæндзинады, фидардзинады æмæ хæдбардзинады хъомыс фидар кæныны æмæ мобилизацийы акт. Стæй ма йæ официалон ном у «Гуырдзыстоны, Китайы коммунистон партийы, Ираны режимы æмæ Уæрæсейы Федерацийы æндæвдады ныхмæ тох».
«Мегобари акт» гуырдзиаг бæрзонд гæстæн санкцитæ æмæ визæйы арæнæвæрд дары йæ зæрдыл. Сæрмагондæй, йæхимæ хауынц ахæм уагæвæрдтæ:
АИШ-Гуырдзыстоны ахастыты æххæст æркаст райдайын, æппæт æххуысы программæты нымæцы;
Банымайын гуырдзиаг адæмы фарсылхæцындзинад евроатлантикон интеграцийы процесстыл хæстдзинады тыххæй, куыд нысангонд у бæстæйы конституцийы;
АИШ-ы президентмæ сиды, цæмæй санкцитæ æрæвæра «Гуырдзиаг Бæллиццы» бæрнонтыл æмæ сæ фарсхæцджытыл, кæцытæ архайдтой коррупцийы, цæмæй Гуырдзыстоны евроатлантикон интеграцийы фæндагæй аиуварс кæной, Гуырдзыстоны суверенитет æмæ территорион æнæхъæндзинад фехæлой, кæнæ та æндæр коррупцион практикæтæм бацæуой, кæцытæ Гуырдзыстоны стабилондзинадæн зиан хæссынц;
Адæмы æхсæн бастдзинæдтæ æмæ хъахъхъæнынады æмгуыстад фæтыхджындæр кæнын, уымæн æмæ Гуырдзыстон дарддæр кæны архайын йæ конституцион домæнтæм гæсгæ;
Уæрæсейы æнæзакъонон оккупацийы рæстæджы Гуырдзыстоны æххæст суверенитет æмæ территорион æнæхъæндзинады фарсылхæцындзинад сиды;
Æххуыс кæндзæн æмбæстагон æхсæнадæн, кæцы хъахъхъæны гуырдзиаг адæмы æмæ Гуырдзыстоны конституцийы «Гуырдзиаг Бæллиццы» хицауады тыхæй æнæзакъонæй спайда кæнынæй.
27-æм марты, документæн йæ фарсыл рахæцыд Сенаты æттаг бастдзинæдты комитет. Акт фарон бавдыста конгрессмен Джо Уилсон, æмæ йæ ацы аз 119-æм конгрессы ногæй бахастой конгрессмен Стив Коэн, конгрессмен Ричард Хадсон æмæ конгрессмен Марк Уайз.
Минæвæртты палатæйы фæстæ закъонопроектмæ хъуамæ æркæсой æмæ йæм хъæлæс кæной сенаты. Кæд æмæ дыууæ палатæйæ дæр йæ фарсыл рахæцой, уæд æрвыст æрцæудзæн АИШ-ы президентмæ къухфыстмæ.
