АИШ-ы  конгрессы  сенат,  1,9 триллион  доллары аргъы  экономикон   æххуысы  пакет сбæлвырд кодта.  Конгрессы уæллаг палатæйы  экономикон æххуысы  планимæ  иунæг  «Республикаг»  сенатор дæр не сразы ис.

АИШ-ы  президент Джо Байден  цæрджытæн  ныфсæвæрдтæ  фæраст кæныны  фæдыл сенаты  уынаффæ схуыдта размæ арызт егъау  къахдзæфæй.

Пандемийы  райдаыны фæстæ  бæлвырд æххуысы  æртыккаг пакет  йæ хъуыдыйы  дары   иухаттон фиддæн  1 400 АИШ доллары бæрц, кæцыйы  бæстæйы   цæрджыты фылдæры хай райсдзæн.

Байдены дзырдæй, зæгъгæ фиддæнты  ахæм райуæрст гæнæн ис  цæугæ  мæйы  кæрон райдайæт.  Америкаг ирвæзынгæнæн планæй  цы хуыйны  уый   рауæлдай кæндзæн 350 миллиард  доллар паддзахады æмæ  бынæттон хицауадтæн,  æрмæст 130  миллиардмæ  хæстæг  суммæ  та   скъолатæн.

Планмæ гæсгæйæ  афтæдæр рауæлдай уыдзæн  49 миллиард  доллар «Ковид-19»-ыл уæрæх   иртæстытæн, афтæма  14  миллиарды  вакцинæтæ райуарынæн.

Законопроектæй  афтæдæр  рагхыгъд  сты  гранттæ лыстæг бизнесæн, нысанон суммæтæ, цахæм дæр у  25 миллиард доллар ресторантæн  æмæ  бартæн;  15 миллиард доллар авиакомпанитæн  æмæ  ноджы  8 миллиард  доллар  аэропорттæн; 30 миллиард  доллар   транзитæн№ 1,5 миллиард доллар  Амтракы  æфсæнвæндагон хаххæн  æмæ æртæ милиард  доллар   космосон  кондадæн.  Демократтты  дæлконтрол  минæварадон палатæ,  закъонопроектæн  9 марты  схъæлæс кæндзæн.