АИШ Венгрийæн æнæвизон режимы уагæвæрд фæкарз кодта

Уый фæдыл «Вашингтон пост» фыссы.

Венгри уыцы 40 бæстæйы æхсæн ис, кæцытæ АИШ-ы æнæвизон режимы програма ис. Снысангонд програмайы хайадисæг бæстæты æмбæстæгтæн сæ бон у АИШ-мæ æнæвизайæ ныццæуой туристон, кæнæ куыстон визитæй 90 боны æмгъуыдæй, уыдонæн æрмæст балццонты  авторизацийы электронон системæ (ESTA) регистраци хъæуы, йæ æмгъуыд дыууæазон у.

Фыццæгæм августæй Венгрийы паспорты ESTA-йы æмгъуыд дыууæ азæй иу азы онг фæкъаддæр ис. Афтæ дæр Венгрийы æмбæстæгтæн, иу азы мидæг æрмæст иу хатт уыдзæн лæвæрд фадат.