Æрфарстытæм гæсгæ, Дональд Трамп раззагдæр у цыппар штаты, Джорджийы, Аризонайы, Невадайы æмæ Цæгат Каролинайы, Камала Харрис та раззагдæр у Висконсины æмæ Мичиганы. Уый фæдыл информаци «ВВС» парахат кæны.

Публикацийы информацийæ,  Пенсильвани æмæ Мичиган сты æскъуыддзаггæнæг штаттæ уыцы авд свинг штатæй, кæцытæ нысаниуæгджын сты АИШ-ы президентон æвзæрстыты. Цалдæр дæс азы дæргъы Мичиганы цæрджытæ æнæрлæугæйæ хъæлæс кодтой демократтæн, фæлæ уыцы тенденци фехæлдта Дональд Трамп 2016 азы æвзæрстыты. Фæлæ 2020 азы Мичиганы ногæй фæуæлахиз демократон партийы кандидат, ныры президент Джо Байден.

Пенсильванийы ис фылдæр панелты уæнгтæ 19, Мичиганы та 15. Фондз штаты ис панелты уæнгтæ: Джорджи – 16, Аризонæ – 11, Невадæ – 6, Цæгат Каролина – 16, Висконсин – 10.

Æдæппæтæй æвзарæнон коллегийы ис 538 делегаты, цæмæй æвзæрстыты фæуæлахиз уа, уый тыххæй президентмæ кандидат хъуамæ райса 270 хъæлæсы. Информацийæн, Камала Харрис æмæ Дональд Трамп сæ фæстаг фембæлдтæ сарæзтой фарсылхæцджытимæ Пенсильванийы æмæ Мичиганы.