Æнæниздзинад хъахъхъæнынады æппæтдунейон  организаци сиды  бæлцæттæм маскæ дарынмæ. Уый аххос ссис «Ковид-19»-ы  ног варианты   ахæлиуы тас.

«Ройтер» куыд фыссы афтæмæй,  ацы  рекомендаци райсын, «Омикроны»  дæлтипы  «ХВВ.1.5»-ы  АИШ-ы  цырд ахæлиуы    тыххæй бахъуыд. Экспертты  хъусинагæй,  вирусы  ног вариант  чысыл нымæцæй фæлæ  цырд хæлиу кæны.

Æнæниздзинад хъахъхъæнынады æппæтдунейон  организацийы  минæвæртты  рекомендаци у, ома бæлццæттæ  дæргъвæтин   тахтыты рæстæджы дарой маскæтæ. Сæ дзырдæй, зæгъгæ ацы рекомендаци  хъуамæ лæвæрд уа   алы бæлццонæн, кæцы  уыцы  бæстæтæм балц кæны,  цы ран  «Ковид-19» уæрæх  ахæлиу ис.

Æнæниздзинад хъахъхъæнынады æппæтдунейон  организацийы афтæдæр  хъусын кæнынц, цæмæй бæстæтæ хъуамæ бацахуыр кæной  бæлвырдгæнæнтæ æмæ уый  бындурыл  рахæссой  уынаффæ  бæлцæттæн атæхынагъоммæ тесттæ  ауадзыны фæдыл.

«Ройтеры» хъусинагæй,  ацы къуырийы   АИШ-ы  фиксиргонд «Квоид-19»-ы  цауты 27%æй  фылдæр  «омикроны»  ног  варианттæ  уыд.

Европæйы  низты контролы æмæ   превенцийы  центр  10 январы    адæтта  маскæ дарыны  æмæ тестыты  рекомендаци Европæ æмæ Китайы æхсæн  сыххæст авиарейсты  бæлццæттæн.

Бакой уын кæндзыстæм цæмæй фæстаг периоды  Китайы  «Ковид-19»-ы  цауты  нымæц  рæзы, кæцы  бирæ бæстæты  сагъæсы бафтыдта.  Евроцæдис ивгъуыд  къуырийы  ратта рекомендаци, ома   Китайæ ныццæугæ бæлццæтты тестытæй  басгарой.