Авторизацигонд  вакцинæтæ эффективон сты  алы  зындгонд варианты, уый нымæцы  индиаг штамы ныхмæ дæр, –  уый фæдыл  æнæниздзинад хъахъхъæнынады æппæтдунейон организацийы   Европæйы  регионон  директор  Ханс Клюге  Женевæйы  æрвылкъуырион брифингы рæстæджы  фехъусын кодта.

Бакой  уын кæндзыстæм, æнæниздзинад хъахъхъæнынады æппæтдунейон организацийæ  авторизацигонд  вакцинæты  æхсæн  ис «Pfizer», «Astrazeneca», «Moderna»,  «Johnson & Johnson» æмæ «Sinopharm».

Ханс Клюге  афтæдæр æрсидтис бæстæтæм,  сæхи бауромой  æхсæнадæмон балц кæнынæй, уымæн  æмæ  йæ ныхæстæм гæсгæ,  зæгъгæ коронавирусы пандемийы ныхмæ тохы  цы прогресс  ис уый нырма æгæр тæссонд у.