Гуырдзыстоны  «Pfizer»-ы  вакцинæйæ  æфтауын   абонæй райдайдзысты. Æмбæстæгты  вакцинаци  Тбилисы, Батумы æмæ   Кутаисы  клиникæты  сыххæст уыдзæн.

Вакцинаци  ауадздзысты  уыцы  æмбæстæгтæн, кæцытæ  регистриргонд сты  порталыл booking.moh.gov.ge  æмæ рагахст сын ис  визит.  Сайтыл  регистраци, медицинон персоналимæ иумæ, 25 мартæй   сæ бон у  65 азæй хистæрдæр  æмбæстæгтæн дæр.  Регистрацийы рæстæджы  æмбæстæгтæн  ис фадат, сæхæдæг сывзарой  «Pfizer»-ы  æмæ  «Астразенекайы»  вакцинæтæй  сæ иу.

Бæстæйы коронавирусы  ныхмæ вакцинаци  «Астразенекайы» вакцинæйæ  15 мартæй райдыдта, 25 марты  та  Гуырдзыстон  Америкæйы иугонд Штаттæй, «Pfizer»-ы  вакцинæйы 30 000-ы онг дозæ  райста, кæцыйæ  вакцинаци абонæй райдайдзæн.