Абхазы президенты отставкæйы фæдыл куырдиат куынæ сæххæст уа, уæд координацион совет сараздзæн рæстæгмæ хицауад, уый тыххæй хъусын кæны афтæхуыйнæг уæрæсейаг рауагъдад ТАСС. Радзырдта оппозицийы минæвар Гулиа Темур.

«Кæд æмæ изæрмæ президент йæ бынатæй нæ ацæудзæн, уæд координацион советæй сараздзыстæм рæстæгмæ хицауад, æрсидтæм æппæт паддзахадон службæгæнджытæм, сифтонг кæндзыстæм куысты уавæртæ æмæ контрол кæндзыстæм паддзахадон управленийы процесс», – зæгъы Гулиа.

Гулиа афтæдæр расидтис, цæмæй «оппозици домы максималон объективондзинад Абхазы паддзахадон телерадиокомпанийæ».

“Ныртæккæ сты бынтон æнæраст, акцент кæнынц иу фарс – хицауады фарс, мах та стæм конституцийы халджытæ, экстремисттæ, тагъд рæстæджы нæ схондзысты адæмы знæгтæ”, — загъта “Ветеранты организацийы” сæрдар.