5-6 июлы фæзындты фæдыл тæрхондоны æрфарстой Гуырдзыстоны Фыццаг Каналы журналист Анна Броладзейы
5-6 июлы Гуырдзыстоны Фыццаг Каналы оператор Илиа Твалиашвили æмæ æндæр медиафæрæзты минæвæртты ныхмæ физикъон тыхмидзинады æмæ профессион куысты æнæзакононæй бахъыгдарыны фактыл зылынмæ лæвæрд уæнгты хъуыддаджы лæмбынæг каст дарддæр кæны.
Абоны рабадтыл Гуырдзыстоны Фыццаг Каналы журналист Анна Броладзейы æрфарстой. Уый фæндзæм июлы айтынггонд фæзындтæ ноджы иу хатт рымысыд, цæмæй куыд балæбурдтой журналисттæм акцийы хайадисджытæ æмæ фыднад скодтой.
«Æз уыдтæн лæбурды объект фæлæ аирвæрзтæн.Мæ коллегæтæ архайдтой, территорийæ сæхи айсын. Федтон сæ нымæцы мæ оператор Илиа Твалиашвилийы хаудæй æмæ йæ надтой, уыцы моменты фехъуыстон мæ коллегæйы хъæр – «Илиайы дам марынц» зæгъгæ. Адæймаг уыд хауд æмæ йæ цалдæр уæнгæй надтой. Хъыгагæн ацы цауы уыдыстæм тыхмидзинады амæттаг алы телеуынынады минæвæрттæ. Пъæлицæйы сидты фæстæ, афтæ рауад æмæ нæ хæдтулгæйы бадтысты «Имедийы» æмæ «Рустави-2»-ы журналисттæ. Стæй нæ пъæлицæй территорийæ раласта. Акцийы хайадисджытæ рараст сты нæ фæдыл, расырдтой нæ, æлгъыстой æмæ дзырдтой цæмæй мах æххæст кодта ЛГБТ уæнгты пропагандæ. Мæ практикæйы бирæ акцитæ срухс кодтон, фæлæ ахæм карз уавæр бæстæйы фæсарæнты цæугæ акцитыл дæр никуы федтон» – загхта Гуырдзыстоны Фыццаг Каналы журналист Анна Броладзе.