Тбилисы арæнты мидæг, 08:00 сахатæй 11:00 сахатмæ æмæ 17:00 сахатæй 20:00 сахаты онг, фæндаггон змæлды арæнæвæрдтæ дистрибуцион хæдтулгæтыл, æндæр егъау хæдтулгæтимæ иумæ уыдзысты. Уый фæдыл сæйраг сахары мэр Каха Къаладзе Тбилисы муниципалитеты хицауады рабадтыл расидтис.

Къаладзе куыд расидтис афтæмæй, ныры онг дистрибьютортæн лæвæрд уыд бæрæг æмгъуыд, æмæ фидæн азы фыццаг январæй арæнæвæрд баххæсдзæн снысангонд категорийы хæдтулгæтæм дæр.

«Уагæвæрды райсты рæстæджы махæн уыд æнгом ахастытæ бизнес-секторимæ æмæ дистрибуцийы фæрæзтæ сбæрæг кодтам куыд æнæуый æмæ сын радтам аст мæйы æнцойад, цæмæй ацы ивæндзинадмæ адаптацигонд æрцæуой. Уый фæстæ та сæ льготæ ноджы цыппар мæймæ адарддæр кодтам æмæ фыццаг январæй ацы арæнæвæрд уыдонмæ дæр хаудзæн», – расидтис Каха Къаладзе.

«Ноджы иу хатт бахахх кæнæм, цæмæй арæнæвæрд кусы æрмæст 08:00 сахатæй 11:00 сахатмæ æмæ 17:00 сахатæй 20:00 сахатмæ, кæд æмæ сæйраг сахары фылдæр змæлд вæййы, æмæ иннæ боны дæргъы арæнæвæрдтæ нæй æмæ æхсæв снысан кодтой æмæ нæй плантæ исты ног арæнæвæрдтæ снысан кæнын», – расидтис Тбилисы мэр.