Æрдзы националон агентады информацийæ, 2  августы онг Гуырдзыстоны  рæстæгæй-рæстæгмæ  кæъвда боныгъæд у æнъхæлмæкæсинаг.

Синоптикты  прогнозæй, Тбилисы фылдæр хурджын бонтæ  уыдзæн 31  июл  хынцгæйæ   дымдзæн   цæгат-ныгуылæны  дымгæ.  Уæлдæфы   температурæ бонæй +28,+30 градус  уыдзæн.

«Донбыл районты (Батум, Кобулет, Анаклиа, Поти)  30 июлы   боны  кæронæй  фыццаг  августы  сæумæрайсоммæ  рæстæгæй-рæстæгмæ   уыдзæн  къæвда, бонæй та  хур ракæсдзæн. 31  июлы  гæнæн ис арвнæрд  æмæ уад фæтынг уа.  Уæлдæфы температурæ  бонæй  +24,+26 градус  сфиксир уыдзæн.

Ныгуылæн Гуырдзыстоны уæлхох районты (Местиа, бахмаро) æнхъæлмæкæсинаг  у  рæстæгæй0-рæстæгмæ къæвда боныгъæд.  Уæлдæфы температур  бонæй +20, +22  градус  уыдзæн.

Картли (Рустав, Болнис, Марнеул, Гардабан, Гур, Цхинвал) ранæй-рæтты  æнхъæлмæкæсинаг у цыбыр  къæвда, 31  июлы  гæнæн ис арвнæрд ,  ихуарын æмæ  уады фæтынг уа.  Уæлдæфы температурæ бонæй +29, +31 градус уыдзæн.

Кахеты (Сагареджо, Телау, Гурджаан, Сигънагъ,Лагодех, Хъуарел, Ахмета, Дедоплисцъхъаро) ранæй-рæтты  æнхъæлмæкæсинаг  у   цыбырæмгъуыдон   къæвда, 31  июлы  гæнæн ис  арвнæрд,  ихуарын æмæ  уады фæтынг.  Уæлдæфы температурæ   бонæй  +29, +31 граудс  уыдзæн.

Хурыскæсæн  Гуырдзыстоны  уæлхох регионты (Ахалкалаки, Цъалка, Бакуриан, Гудаур, Омало)  ранæй рæтты  æнхъæлмæкæсинаг  у   цыбырæмгъуыдон къæвда, 31  июлы гæнæн ис  уа   арвнæрд,  ихуарын æмæ уады фæтынг. Уæлдæфы  температурæ бонæй  +20, +22 градус уыдзæн», – банысангонд у  æрдзы националон агентады  информацийы.