Zviad Şalamberidze – Heç bir insanın həyatı heç bir milyard dəyərində deyil. Təəssüf ki, əvvəlki hakimiyyət dövründə insan həyatı maliyyə ilə ölçülürdü

“Təəssüf ki, “Milli Hərəkat” hakimiyyətdə olub. Onların hakimiyyəti dövründə insan həyatına necə yanaşdıqlarını təsdiqləyən çoxsaylı faktlar mövcuddur”, – bunu “Gürcü Arzusu” partiyasının üzvü Zviad Şalamberidze bildirib.

Zviad Şalamberidzeyə “Müxalifət Alyansı”nın liderlərindən biri Nika Qvaramiyanın “Ukrayna tezliklə müharibədə qalib gələcək, Ukraynanın bərpasına onillik ərzində trilyonlarla vəsait xərclənəcək. Gürcüstanı isə həmin trilyonlara yaxın buraxmayacaqlar. Bütün Avropa tikinti və pul qazanmaqla məşğul olacaq” fikri ilə bağlı sual ünvanlanıb.

“Onların partiya liderləri tərəfindən bu cür ritorika davam etdirilir. Xoşbəxtlikdən, Gürcüstan cəmiyyəti bu bəyanatları düzgün qiymətləndirir və hər dəfə bu insanlara siyasi səhnədə layiq olduqları yeri göstərir. Nika Qvaramiya insanların fikrinə təsir göstərmək məqsədilə manipulyasiya edir və belə bir təəssürat yaratmağa çalışır ki, əgər Gürcüstan Rusiyaya qarşı müharibəyə qoşulsaydı, ölkəyə milyardlarla, hətta trilyonlarla vəsait daxil olardı. Heç bir insanın həyatı heç bir milyard dəyərində deyil. Təəssüf ki, əvvəlki hakimiyyət dövründə insan həyatı məhz pulla ölçülürdü”, – deyə Zviad Şalamberidze bildirib.