“Vivamed”in klinik direktoru Zurab Çxaidzenin bəyanatına əsasən, həbsdə olan “Birgə İnvestisiya Fondu”nun sabiq rəhbəri Qiorqi Baçiaşvilini klinikaya iyulun 11-də gətiriblər.

Çxaidzenin dediyi kimi, Baçiaşvilinin bədəninin müxtəlif nahiyələrində müxtəlif zədələr müşahidə olunurdu. O, pasiyentin müvafiq müayinələrdən keçdiyini və həkimin tövsiyəsi ilə cəzaçəkmə müəssisəsinə qayıtdığını bildirib.

“Pasiyent iyulun 11-də cəzaçəkmə müəssisəsindən gətirilib. Bədəninin müxtəlif nahiyələrində müxtəlif xəsarətlər var idi. Lazımi instrumental müayinələr aparılıb. Müvafiq tibbi yardım göstərilib. Həkim-nevroloq tərəfindən konsultasiya aparıldı. KT müayinəsində hər hansı zədə aşkar olunmadı və həkimin tövsiyəsi ilə o, cəzaçəkmə müəssisəsinə həkimin nəzarəti altına qaytarıldı. Açıq yara da var idi və bədənin müxtəlif nahiyələrində müxtəlif zədələr müşahidə olunurdu, əgər vəziyyəti ağır olsaydı, pasiyent stasionarda qalardı. Onun vəziyyəti cəzaçəkmə müəssisəsinə geri qaytarılmasına imkan verirdi. Bu, həkimlərin qərarı idi” – Zurab Çxaidze bildirib.