Ukraynalı deputat Aleksey Qonçarenko Ali Radada prezident Volodimir Zelenski ilə “çox sərt” mübahisə etdiyini bildirib.

O, münaqişəyə səbəbin demobilizasiya məsələsi olduğunu deyib.

“Zelenski qəti şəkildə bunun əleyhinədir. Onun fikrincə, hər kəs sona qədər müharibədə iştirak etməli və yalnız biz qalib gələndə qayıtmalıdır. Mən fərqli düşünürəm – xidmətin dəqiq müddəti olmalıdır, ondan sonra isə insan özü davam edib-etməməyə qərar verməlidir. Mən başa düşürəm ki, Ukraynada indi hər şey ola bilər və sabah məni sanksiyalar və ya həbs gözləyə bilər” – Aleksey Qonçarenko bildirib.

Deputat Yaroslav Jeleznyak Volodimir Zelenskinin Aleksey Qonçarenkonun demobilizasiya ilə bağlı suallarını cavablandırdığı videonu dərc edib.

“Qəhrəmanlarımız layiqli rotasiyaya layiqdirlər, nə vaxt ki, sənin kimi insanlar onlara təkcə Radada deyil, cəbhədə kömək edəcəklər” – Volodimir Zelenski bildirib.

Aleksey Qonçarenko prezidentə qışqıraraq cavab verib: “Ayıb olsun! Ukrayna Prezidenti deputatlarla – sənin kimi insanlar – deyə danışır. İnsanda vicdan olmamalıdırmı?”.