Parlamentin Səhiyyə Komitəsinin sədri Zaza Lominadzenin bəyanatına əsasən, parlament narkotik siyasətinin sərtləşdirilməsi baxımından mühüm qanun layihəsini təsdiqləyib.

Zaza Lominadzenin Gürcüstanın Birinci Kanalına dediyi kimi, narkotikdən asılı olan insanlar üçün narkomaniyanın əvəzlənməsi proqramı pulsuz olacaq.

Bundan başqa, dövlət psixotrop maddələrin idxalını tam şəkildə öz üzərinə götürür.

“Gürcüstanda narkotikdən asılı olan insanların bu və ya digər dərmanları aldıqları 40-dan çox narkomaniyanın əvəzlənməsi məntəqəsi fəaliyyət göstərirdi. Dəyişən odur ki, bütün bunlar özəl qurumlardan dövlət strukturlarına keçir və burada nəzarəti tam olaraq dövlət həyata keçirəcək. Buna pul ödəyənlər üçün müsbət məqam odur ki, proqram pulsuz olacaq. Dərmana ehtiyacı olanların hamısı müalicə olunacaq. Bundan başqa, dövlət psixotrop maddələrin idxalını tam şəkildə öz üzərinə götürür. Sonra satış aptek şəbəkəsində indiyə qədər olduğu kimi həyata keçiriləcək. Bununla şəxsi və maliyyə maraqları istisna ediləcək. Həm dərmanların idxalı, həm də paylanması və əlbəttə ki, narkotikdən asılı olan vətəndaşların müalicəsi dövlətin səlahiyyətində olacaq” – Zaza Lominadze bildirib.