Zaur Darğallı qeyd etdi ki, bu gün əlavə 525 koronavirus üzrə nümunə götürüldü, cavablar isə sabah məlum olacaq.

“Marneulidə ümumilikdə 1 600-dən çox analiz götürülüb. Müsbət dinamikə qeydə alınır və cavabları sabah gözləyirik. Xatırladım ki, baş nazir 18 may tarixindən Marneulinin açılacağını bəyan etdi və bu nəticələr bizim üçün çox önəmlidir. Demək istəyirəm ki, bununla bərabər biz aktiv şəkildə məlumatlandırma kampaniyasına davam edirik. Yaşayış məntəqələrində maşın hərəkət edie və üç dildə koronavirusla haqqında və digər önəmli məlumatları çatdırır. Həmçinin, aktiv şəkildə xüusi broşuralar da paylayırıq. Marneulinin bağlanılmasının birinci günündən müxtəlif istiqamətlərdə mərkəzi hökümətlə bərabər aktiv şəkildə işləyirdik  ki, mövcud çağırışlara sürətli və effektiv reaksia verilsin. Əhalini narahat edən çoxlu sayda önəmli məsələlər də həll olundu. Həmin  məsələlərə ərzağın paylanılması, kənd təsərrüfatı məhsullarının təhvili, yük dövriyyəsi, əhali üçün ehtiyac və s. daxildir”, – deyə Zaur Darğallı bəyan etdi.