Fermerlər kənd təsərrüfatı yardımının gecikməsi və artan sahibkarlıq xərcləri ilə əlaqədar etiraz aksiyalarını davam etdirirlər.

Ölkənin Baş naziri Kiriakos Mitsotakisin fermerlərə əlavə dəstək elan etməsindən bir gün sonra fermerlər Şimali Makedoniya və Bolqarıstanla əsas sərhəd buraxılış məntəqələrini bağlamağa davam edirlər.

Ölkədə korrupsiya qalmaqalı ilə bağlı istintaq Avropa İttifaqının subsidiyalarının ödənilməsində gecikməyə səbəb olub.

Avropa Prokurorluğu bu il yunan fermerlərin rəsmi şəxslərin köməyi ilə Avropa İttifaqının vəsaitlərini mənimsədiyinə dair dəlillər aşkar etdiyini bəyan edib.

Yunanıstan hakimiyyəti ayrıca araşdırmalara başlayıb, parlament isə hər il Avropa İttifaqından alınmış təxminən 2,5 milyard avronu yüz minlərlə fermerə paylayan dövlət agentliyini yoxlayır.

İyunda Avropa İttifaqı Yunanıstanı 2016-2023-cü illər arasında dövlət agentliyi tərəfindən kənd təsərrüfatı subsidiyalarının məqsədsiz istifadəsinə görə 392 milyon avro miqdarında cərimələyib.