İsveç və Finlandiyanın NATO-ya daxil olması Rusiyaya, Vladimir Putinə çox aydın mesaj verir ki, NATO-nun qapıları açıq qalır, NATO-nun genişlənməsi alyansın üzvlərindən asılıdır və Moskvanın genişlənmə məsələsində veto qoymaq hüququ yoxdur-bu barədə NATO-nun baş katibi Yens Stoltenberq Vilnüs zirvə toplantısı başlamazdan əvvəl jurnalistlərə açıqlayıb.

O, Rusiyanın Ukraynaya qarşı müharibəsinin strateji səhv olduğunu və onun NATO müttəfiqlərinin birliyini düzgün qiymətləndirə bilmədiyini deyib.

“Bu, Finlandiyanın artıq NATO-nun tamhüquqlu üzvü olmasından və İsveçin tezliklə alyansa qoşulmasından aydın görünür. Bu, Putinin Ukraynaya qarşı müharibəsinin böyük strateji səhv olduğunun nümayişidir. O, həqiqətən ukraynalıların imkanlarını lazımi səviyyədə qiymətləndirə bilmədi, NATO müttəfiqlərinin birliyini və Finlandiya və İsveç kimi ölkələrdə siyasi nəticələri düzgün qiymətləndirə bilmədi. O, daha az NATO istədiyi üçün müharibəyə başladı və o, şərq cinahında daha çox NATO və alyansın iki yeni üzvünü nəticə olaraq əldə etmiş olacaq. Bu, Putinin böyük strateji səhvini açıq şəkildə göstərir”-deyə Yens Stoltenberq açıqlayıb.