Yeni il işıqlandırmalarının quraşdırılması işlərinə görə, noyabrın 20-si saat 00:00-dan 03:00-dək Melikişvili prospektində avtomobillərin hərəkəti müvəqqəti olaraq məhdudlaşdırılacaq. Saat 03:00-dan 06:00-dək isə avtomobillərin hərəkəti Kostava küçəsində hər iki istiqamətdə məhdudlaşdırılacaq, konkret olaraq, Tbilisi Dövlət Konsert Zalından “Rustaveli” metro stansiyasına qədər olan yol hissəsində.

Məhdudiyyət dövründə nəqliyyat vasitələri Cavcavadze prospekti və Varazisxevidən Kostava küçəsi və Rustaveli prospekti istiqamətində Kekelidze, Canaşia, Kutateladze, Barnovi və Kakabadze Qardaşları küçələrindən istifadə etməklə hərəkət edə biləcəklər. Bundan başqa, Kekelidze küçəsindən gələn nəqliyyat axını Melikişvili prospekti istiqamətində hərəkət edə bilməyəcək.

Rustaveli prospektindən gələn avtomobillər Kiaçeli və Axvlediani küçələri vasitəsilə hərəkət edə biləcəklər, Nikoladze küçəsindən sola dönməklə sürücülər Rustaveli prospekti və Covelidze küçəsi istiqamətində hərəkət edəcəklər. Həmçinin, Rustaveli prospektindən Qəhrəmanlar meydanı istiqamətində hərəkətə Mixeil Cavaxişvili küçəsi və Mtkvarinin (Kür) sol sahilindən istifadə etməklə icazə veriləcək.