Yeni il gecəsi ictimai nəqliyyat uzadılmış iş rejimində çalışacaq

20:22, 30.12.2025

Yeni il gecəsi ictimai nəqliyyat ənənəvi olaraq uzadılmış iş rejimində çalışacaq. Qeyd olunan dövrdə həm Tbilisi metrosu, həm də avtobuslar sərnişinlərə pulsuz xidmət göstərəcək.

Tbilisinin Meriyasının məlumatına əsasən, metropoliten yanvarın 1-i saat 03:00-dək çalışacaq, avtobuslar isə dekabrın 31-i saat 23:00 əvəzinə yanvarın 1-i saat 03:00-dək hərəkət edəcəklər.

Riğe-Nariğala kanat yolu sərnişinlərə dekabrın 31-i saat 22:00-dan yanvarın 1-i saat 03:00-dək xidmət göstərəcək.

Milad gecəsinə gəlincə, Tbilisi metrosunun fəaliyyəti yanvarın 7-si saat 00:00-dan 03:00-dək uzadılacaq. Bu halda da sərnişinlərə xidmət pulsuz olacaq.

Müəllif - Sevinj Mustafaeva

İctimaiyyət