Yəmənli “Husi”lər İsrailin Aşkelon şəhərinə edilmiş hücuma görə məsuliyyəti üzərlərinə götürüblər

 
Yəmənli “Husi”lər İsrailin Aşkelon şəhərinə edilmiş hücuma görə məsuliyyəti üzərlərinə götürüblər. Bu barədə “Husi”lər tərəfindən yayılmış bəyanatda qeyd olunub.

“Husi”lər İsrailə qarşı biri Təl-Əviv bölgəsini, digəri isə Aşkelonun sənaye zonasını hədəf alan iki dron buraxıblar.

Bundan əvvəl İsrail Aşkelon istiqamətində buraxılmış dronun açıq əraziyə düşdüyünü açıqlamışdı. Təl-Əviv bölgəsinə buraxılan ikinci dron haqda məlumat yayılmayıb.

Xatırladaq ki, son günlərdə yəmənli “Husi”lər İsrailə qarşı hücumlarını gücləndiriblər, buna səbəb olaraq da Qəzza sektoruna dəstəyi göstərirlər.