Yəhudilər Dini Şurası – LGBTQ + dəyərlərinin təbliğatını alqışlamırıq, bununla birlikdə əsas konstitusiya hüquqları bizim üçün çox vacibdir, hər cür təqib və şiddətə qarşıyıq.

Yəhudilər Dini Şurası “Tbilisi Pride” ilə əlaqədar bəyanat yaydı.

“Yəhudilər Dini Şurası hesab edir ki, bəşər sivilizasiyasının bu mərhələsində dünyada bəşəriyyəti dərin mənəvi böhrana aparan proseslər gedir. Bunu sosial bərabərsizlik, müxtəlif ölkələrdə bitməyən müharibələr, etnik və dinlər arasında artan qarşıdurmalar, bir-birlərinə qarşı dözümsüzlük və s. göstərir. Həm də cəmiyyətimizi qütbləşdirən ənənəvi dəyərlərin azalmasına meyl var. Bu, dinimizin təməl dəyərlərinə zidd olan LGBT paradının Tbilisidə keçirilməsinə də aiddir.

Aydındır ki, dini baxımdan LGBTQ + dəyərlərinin təbliğ edilməsini xoş qarşılamırıq. Bu paradın təşkilatçılarının planlaşdırdıqları əxlaqımızla uyğun gəlmir və ənənəmizdə möhkəmləndirilən dəyərlərə qarşı çıxır. Eyni zamanda, təməl konstitusiya hüquqları bizim üçün çox vacibdir. Əsas insan hüquq və ifadə azadlıqlarına hörmətlə yanaşırıq və hər cür təqib və ya şiddətə qarşıyıq”, – deyilir bəyanatda.