Qrenlandiya öz xalqına məxsusdur – bu haqda Danimarkanın Baş Nazirinin Ofisi tərəfindən sosial şəbəkədə dərc edilən avropalı liderlərin birgə bəyanatında deyilir.

Danimarkanın Baş naziri Mete Frederiksen, Fransa Prezidenti Emmanuel Makron, Almaniyanın kansleri Fridrix Merts, Böyük Britaniyanın Baş naziri Kir Starmer, İtaliyanın Baş naziri Corcia Meloni, İspaniyanın Baş naziri Pedro Sançez və Polşanın Baş naziri Donald Tusk məktubu imzalayırlar.

Liderlərin bəyanatına əsasən, Arktikada təhlükəsizlik NATO-nun müttəfiqləri ilə birlikdə kollektiv şəkildə razılaşdırılmalıdır. Onlar, Danimarka və Qrenlandiya ilə bağlı məsələlərə yalnız Danimarka və Qrenlandiyanın qərar verə biləcəyini bildirirlər.

“Arktikanın təhlükəsizliyi Avropa üçün əsas prioritet olaraq qalır və beynəlxalq və transatlantik təhlükəsizlik üçün kritik əhəmiyyət daşıyır. NATO Arktika bölgəsinin prioritet olduğunu açıq şəkildə bəyan edib və avropalı müttəfiqlər aktivlik edirlər.
Biz və bir çox digər müttəfiqlər Arktikanın təhlükəsizliyini qoruyub saxlamaq və düşmənləri çəkindirmək üçün mövcudluğumuzu, fəaliyyətlərimizi və investisiyalarımızı artırdıq. Danimarka Krallığı, o cümlədən Qrenlandiya NATO-nun bir hissəsidir.

Bu səbəbdən Arktikada təhlükəsizlik kollektiv şəkildə, NATO-nun müttəfiqləri ilə birlikdə, o cümlədən Birləşmiş Ştatlarla birlikdə, BMT Nizamnaməsinin prinsiplərinə əməl olunmaqla təmin edilməlidir. Bunlar universal prinsiplərdir və biz onlara əməl etməkdən imtina etməyəcəyik.

Amerika Birləşmiş Ştatları NATO-nun müttəfiqi olaraq və Danimarka Krallığı ilə Amerika Birləşmiş Ştatları arasında 1951-ci ilin Müdafiə Sazişi vasitəsilə bu işdə zəruri tərəfdaşdır. Qrenlandiya öz xalqına məxsusdur. Danimarka və Qrenlandiya, Danimarka və Qrenlandiya ilə bağlı məsələlərə yalnız onlar qərar verə bilərlər” – bəyanatda deyilir.