Yaponiyada, Kumamoto prefekturasında maqnitudası 7.1 olan zəlzələ baş verib, sunami təhlükəsi elan olunub

Yaponiyanın cənub-qərb hissəsində, Kumamoto prefekturasında maqnitudası 7.1 olan zəlzələ baş verib.

Bu barədə məlumatı “Reuters” Yaponiyanın Meteorologiya Agentliyinə istinadən yayır.

Bu vaxt üçün dağıntı və xəsarət alanlar barədə məlumat yayılmır. Sunami təhlükəsi elan olunub, bu səbəbdən Yaponiya hökuməti Kumamoto, Naqasaki, Kaqoşima, Fukuoka, Saqa, Oita və Miyazaki prefekturaları üçün fövqəladə xəbərdarlıqlar yayıb.

Məlumat üçün bildirək ki, Yaponiya dünyada seysmik baxımdan ən aktiv ölkələrdən biridir. O, Sakit okeanın “Alov halqası”nda yerləşir və dünyada 6.0 və ya daha çox bal gücündə zəlzələlərin təxminən 20%-i məhz bu regionun payına düşür.