Yaxın Şərqdə baş verən hadisələrə görə Tbilisi və Batumi beynəlxalq hava limanlarından 16 reys ləğv edilib

Yaxın Şərqdə baş verən hadisələrə görə Tbilisi və Batumi beynəlxalq hava limanlarından reyslər ləğv edilib.

Tbilisi və Batumi beynəlxalq hava limanlarını idarə edən şirkət — “TAV Georgia”nın məlumatına görə, bugünkü göstəricilərə əsasən, ümumilikdə 16 reys ləğv olunub.

Tbilisi beynəlxalq hava limanından Təl-Əviv, Əbu-Dabi, Şarja və Dubay istiqamətində 13 reys ləğv edilib, Batumidən isə üç uçuş dayandırılıb və onların hamısı Təl-Əviv istiqamətindədir. Digər istiqamətlər üzrə məhdudiyyət yoxdur.