Xüsusi Penitensiar Xidmət təqsirləndirilən Nana Sanderin cəzaçəkmə müəssisəsində ona qarşı qeyri-insani rəftar edilməsi barədə danışdığı bəyanatına münasibət bildirir.

Xüsusi Penitensiar Xidmətin bəyanatında izah edildiyi kimi, təqsirləndirilən şəxs həbs müəssisəsinə qəbul edilərkən təqsirləndirilən şəxs və onun şəxsi əşyaları diqqətlə yoxlanılır və bu haqda müvafiq akt tərtib edilir. Onların bəyanatına əsasən, təqsirləndirilən şəxsin müayinəsi həbsxananın eyni cinsdən olan əməkdaşı tərəfindən aparılır. Tam şəxsi müayinə zamanı təqsirləndirilən şəxsin/məhkumun tamamilə soyunmasına icazə verilmir.

Xüsusi Penitensiar Xidmət təqsirləndirilən Nana Sanderin bəyanatında göstərilən faktları təsdiqləmir və hesab edir ki, xidmətin nüfuzuna xələl gətirmək və ləkələmək cəhdi var.

“Qeyd olunanlara baxmayaraq, təqsirləndirilən Nana Sanderin bəyanatı ilə əlaqədar olaraq Xüsusi Penitensiar Xidmətin bunun üçün səlahiyyətli struktur bölməsi tərəfindən xidməti yoxlama başlayacaq və Gürcüstanın qanunvericiliyi ilə nəzərdə tutulmuş bütün prosedurlar həyata keçiriləcək. Təqsirləndirilən şəxsin hüquqlarının pozulması faktı təsdiqləndiyi təqdirdə müvafiq məsuliyyət tədbirləri tətbiq olunacaq.

Xidməti yoxlamanın nəticələri barədə həm təqsirləndirilən şəxs, həm də ictimaiyyət Xüsusi Penitensiar Xidmət tərəfindən məlumatlandırılacaq” – bəyanatda qeyd olunub.